وجبدي

و جبدي اللي من الهجران منفطره
واعيني اللي من الأحزان ماجفت

واروحي اللي من المحبوب منشطره
واكفي اللي عن الأبيات ماانكفت

واقرأ قديم الرسايل وأرجع لـعطره
وأصد وأخاف لايدرون وأتلفت

عطشان ادور مابين أشياء القطره
وأحاول أشعل شموع بايدها وطفت

ذي حالتي وادري ان الحال ذي خطره
لكن ماأقدر جيوش الشوق قد صفت

وياعاذل القلب توه ماقضى وطره
عروسة أفراح قلبي تو ماانزفت

مازلت أخايل غيومه وارتجي مطره
وأرقب سنين العمر قدام وش خفت