ظاهرة العمال المتسولين في باركات البزنز

السلام عليكم ورحمة الله وبركاته

ادخل في الموضوع دايركت

شنو موضوع عمال النظافة الهنود اللي بباركات البزنز؟؟

اشوف منتشرة ظاهرة التسول عند الباركات، ومستغربة جدا انه محد تكلم من الموضوع او وقفهم عند حدهم لان الطريقة اللي يتسولون ابها مخيفة جدا خاصة للبنات لما يعترضون طريقي اكثر من هندي ويتسببون لي برعب وخوف لدرجة ان ودي اركض لان الباركات في بعض الاوقات تكون شبه فاضيه

تعرضت لثلاث مواقف بهذا الشكل اول موقف ماكنت ادري شالموضوع لما جيت ابركن الصبح والمكان شبه فاضي والعامل كان قاعد يراقبني وينتظرني انزل وشوي تقرب ووقف عندالباب وانا اوردي موقفه بين سيارتين وماعرفت انزل لانه محاصرني جنب الباب انتظرته يبتعد شوي بس ماكو فايدة نزلت بحركة سريعة وشردت وانا اشرد سمعته يطلب بيزات بعدها استوعبت شنو قال من الخوف

الموقف الثاني عند النفق اللي جنب hall 18 كان عامل ثاني منخش ورا غرفة السيكورتي الفاضية وانا امشي مرة وحدة شفت واحد ناط لي من جنب اليمين هم يبي بيزات

والموقف الثالث شوي اهون وانا راجعة الباركات جاي يسلم الهندي سلام عليكم وكان نفس الهندي الاول وعرفت شيبي سويت نفسي ما اسمع

انا ما اعترض على المساعدة بالعكس هذا لو مو الظروف اجبرته ما اشتغل هالشغله والله العالم شلون اهله عايشين في الفقر والحاجه وانه محتاج لابسط مبلغ يطرشه ديرته

بس الطريقة جدا خاطئة ومخيفه يعني انتوتعرفون كيف الدنيا بهذا الوقت مالها امان، وكيف ممكن يفكر العامل في مثل هذا الوقت ، يعني فعلا غلط يقترب من الطالبات بهالطريقة ويوقف جنب باب السيارة يعني عادي جدا يهرب بالسيارة وينتقم بطريقة بشعه صح كلامي او لا وانتم تقرون الجرايد كل يوم وتشوفون المشاكل والبلاوي اللي تصير الله يحمينا

الوضع فعلا غلط ومحتاج تدخل من الامن على الاقل ينصحونهم ان يتوقفون عن هالشي واذا العامل فعلا وضعه صعب خل نشارك بمبلغ كل اسبوع نسلمه جمعية البزنز ويقوم طالب موثوق بتسليم هالعامل المساعدة المالية

نرجو من مجلس الطلبة مخاطبة قسم الامن بخصوص هذه الظاهرة وايجاد الحل المناسب

موفقين جميعا والله يحميكم

*